2a7leim Daay3a

Dooleib zzaman dawwaar, w marraat l 2a7leim li menfii2 kel yom kermeil n7a22e2a, btetshattat ma3 kel fat7et 3ein 3a sot zmemiir seyyaraat ma7moo2a. SSeyaraat 2akiid mesh ma7moo2a, le2anna, la7addit hal la7za, manna gheir wasiilet na2el lal neis. Bel niheiye, hal zmemiir manna 2illa 3ibara 3an tenfiise zghiire la ghaleyein juwweine bi3aani menno l sha5es li neiyik 2i5t zzammoor 3al taal3a wel neizle. Bas mesh hayda l mawdoo3.

Hal 2a7leim l daay3a bet5alli lwa7ad yeghtos bi ba7er 2a3ma2 men l juwar li 3al tarii2, w ye3la2 bi 2afkaar betghemm 3al 2aleb. Fo2 hayda w kello, biballish l siraa3 jjuwwene huwe w 3al2aan bel 3aj2a l waa7ad, natir l faraj la yoosal 3a sheghel ma byentaa2, w mudiir ma byen3ata wej, la2anno bser3a bye5od sha2le.

Hol l mudara 2ejmeilan bas bi7ibbo ynazzro. 2inno yaba huwe 3alla2. W 3atool baddon l 2eshya temshe 3a zaw2on. 7atta law l staff 2tara7o shi fekra 7elwe, byerfdowa 2awwal shi w binayymowa, la yerja3o ye2ter7owa bel meeting li ba3do w ka2anno henne rabb l 2afkar l 5uranda3iyye.

Bein l beit wel sheghel tarii2 tawiile, law 2ad ma keinit fe3liyyan 2asiire. Metaphor lal 7ayeit hal tarii2. Byedhar l waa7ad men l beib maghsoob, byimshi 3a tarii2 we3ra w m2ayra, byet3aamal ma3 neis mfakra 7aala btefham, w byerja3 2ei5erta men matra7 ma 2eja, mehtre, w mdayya3 noss wa2to 3a 2ashya bala ta3me.

Hal 2ashya l bala ta3me bteshbah ktir l herculean task ta yemde war2a we7de l waa7ad bi jem3a burokratiyye. Bizettook men maktab la maktab kermeil sha2fit 2emda ma 7ada bya3rif meen leizim ynafzo, w 2enta bel niheiye btetla3 metel tabet l tennis 3am tnot men matra7 la matra7 3al fadi. Howe 2ahhamma shi bi hal 5abriye 2ennak 3am tebrom bijeim3a m5adrame, l ranking taba3a 2a7san men Oxford w Harvard.

Fa mesh mhemm 2inno btetla3 bel 2e5ir m7attam nafsiyan, bidoon ma tkoon stamta3et bel journey, lmhemm 2ennak jebet hal 2emda l 2a5o shliite men jem3a prestija 2a3la men 7obb Cristiano Ronaldo la nafso.

Kello hayda biwasslak 3a bweib maftoo7a, bidoon wejha m3ayyane, w 2afkaar mayyte bte7mela 3a dahrak bi marathon la 2elo 2awwal wala 2elo 2e5ir. Ya ma7la Sisyphus ya3ney, kein 3al 2aliile 3aarif 7alo 3am yjerr 7ajra, mesh 2a7leim wahmiye ma5loota ma3 2afkar nda3asit 3al tarii2 bein l beit, l jem3a, w l sheghel.

Bas betdoor l 2iyyem, w biseifir l waa7ad, w byeftere2 3an ref2ato, li kein 3atool ydi2 ma3on bel band bel baaraat li 7add l jem3a, bisabab 7areb sabbabeta 2afkar kenit meitit bel 3aj2a, tayerja3 yelte2e ma3 ref2ato men 2awwal w jdiid.

Wa ka2anno déjà vu, ma tghayyar shi alla wakiilak, bas hal marra sar fi internet, lwasiile lwa7iide ta ye7fazo hal 2afkaar hiye w 3ayshe 2abel ma yedharo men l beit. Wa2a5iran hal band le3bet l music, ghasban 3an l 3aj2a w l zmemiir, kermeil t7et l recording 3al Youtube, barki hal shi birayyi7 l neis men l siraa3 l juwwene henne w 3al2aniin bel 3aj2a, bein zmemiir, w neis ma7moo2a, w burokraatiye 2afda men kiis l chips, bte2tol 2aktar men l samm l mawjood 3a jweinib l ter2at. Bas l denye b2alf 5eir.

Related posts:

As we planned to see some friends for the first time, it hit me like a ton of bricks that how my kids were talking about their father’s death might be startling and scary for other children. I…

A family of ducks lived near a lake. These ducks did not yet live at the lake. Instead, they kept a nest in a tree, since the ducklings were still young. Now, the day came that the mother deemed it…

While all four papers (Chouldechova, et al., Hardt, et al., Kleinberg et al., and Corbett-Davies et al.) talk about false positives and false negatives, their definitions of the positive instances in…